Vajan Ghatane Ke Liye Fal Aur Sabjiya. Ye bhi aaj bahot se log puch rahe he kyon ki slim trim dikhna har ek ki chahat hoti hai. Lekin kehte hai na sabki har chahat kahan puri hoti hai. Aniyamit jeevanshelly, asantulit bhojan, tanav aur lagatar bhagti jindagi. In sabke beech khud ke liye time nahi bachta hai aur nateeja, bedoll sharir. Kul milakar dekha jaaye to adhik vajan ke liye aapke aahar ki aham bhumika hoti hai. Jyada khaana khana, har samay kuch na kuch khane ki aadat aur khane ki mojud calorie vajan badhane ka mukhya karan hote hai.

Aaagar vakai me vajan ghatane ka vichar bana rahe hai to ab us aahar se kaam chalne vaala nahi hai. Ab vakt hai badlne ka sabse pehle apneaahar me badlav kare shurvaat kam tel aur kam masalayukt aahar se kare. Sutro ka manana hai ki aaj log vajan kam karne ke liye high protein par kam jor dete hai. Lekin aadarsh poshan vahi hota hai jisme sabhi jaruri poshak tatva prayapt matra me hote hai. Sharir ka aadarsh vajan banaye rakhne ke liye santulit aahar sehat ki pehli prathmikta hoti hai. Aayiye jaane mahila vajan ghatane ke liye kis tarah ka aahar lena chahiye.

Low fat diary product

Apne aahar me low fat dudh ya dahi ko shamil kare. Dudh me fat kam karne ke liye usme paani milane se behtar hai ki malai utaar le. Paani milane se dudh me poshak tatva kam hojata hai. Lekin uski vasa par koi khas asar nahi padta. Soya se bana paneer, dudh aur dahi kha sakte hai. Jinhe dudh ya soya product se elergy hai, ve rajma, nimbu, matar, meethi, palak badam, kaju jaise cheejen khakar calcium ki kami puri kar sakti ahi.

Mousmi fal khaye

Mousmi falon ka sevan karna sehat ke liye faydemand hai. Agar aap juice ki jagah sabut fal khaaye toh behtar hai. Seb aur beri aadi le. Seb me pekitin chemical hote hai. Seb ke saath saath jyadatar sabhi falon ke chilke me pekitin paaya jata hai. Yeh sharir par jama fat ko kam karta hai.

Soyabeen aur dry fruits

Soyabeen me mojud lisithin chemical cells par fat jama hone se rokta hai. Hafte me kam se kam teen baar soyabeen khane se sharir me fat se ladne ki kshamta badhti hai. Soyabeen ko ankurit karke roj subah liya ja sakta hai. Iske alava lehsun ka ras sharir me mojud fats ko kam karne me madadgaar hai. Lehsun kaccha khaye aur chabakar khaye to behtar hai. Saath hi muthi har nuts roj hi khane chahiye. Inme badam, kishmish, akhroot aur pista le sakte hai. Lekin ye freid na ho aur inme namak bhi nahi hona chahiye.

Bhojan se pehle fal

Bhojan se pehle fal khana ek accha vikalp hai. Kisi bhi bhaari bhojan se kam se kam 30 minute pehle fal khanae ki salah di jati hai. Is tarah fal jaldi pach bhi jaata hai. Khali pet fal khane se apka system vish rahit hojata hai aur vajan kam karne ke liye apko jyada urja deta hai.

Aapko ye article kaise laga niche comment me likhiye.