NRI Mahila Ke Saath Baba Ne Kiya Rape, Social Media Par Nayay Ki Apeal, Video Viral

New Delhi : Rape Pidita ek NRI mahila ka nyay ke liye apeal karte hue social media par viral ho gaya hain. Pidit mahila apni shikayat lekar police ke pass gayi thi lekin sunwai na hone ke baad usne aap beeti record karke social media par daal di. Mahila ne yeh batya hain ki wph apne chachere bhai ke saath canada se punjab aai thi. Maansik taur par pareshaan hone ke karan bhai use ruhaani ilaaj ke naam par sangroor ke balewaal dera lekr gaya jaha who karib do mahine rahi. Mahila ne aarop lagya hain ki jab uska bhai dere se chala gaya tha toh dera pramukh Gurjant Singh ne uska passport chin liya aur 45 din tak rape karta raha.

Akhirkaar kisi tarah se who ek din dere se apna passport nikaal kar bhagne mein safal ho gayi. Iske baad who sidhe police thane pahuchi, Lekin police ne mamla darj karne ke bajay use ek thaane se dusre thaane tak chakkar lagwaati rahi.  Pidit ne media ko batya ki video viral hone ke baad use jaan se maarne ki dhamkiyaan mil rahi hain. Akhirkaar uski mulakaat ek vakil se hui aur unhone Mohali isthith NRI wing mein shikayat darj karane ke liye kaha. Iske baad who yah pahuchi. Mahila ne kaha ki ab unhe NRI wing se insaaf ki umeed hain. Jabke Dera balewaal ke mukhiya ki patni Amarjeet Kaur ka dawa hain ki mahila galat aarop laga rahi  hain. Dere mein karib 2 mahine rahen ke baad who akhand path karakar vidaa hui thi.